Прадстаўніцтва Камісіі ЕС у Беларусі адчыніла дзверы 7 сакавіка 2008 г. пасля падпісання адпаведнага пагаднення паміж Камісіяй Еўрапейскіх супольнасцяў і Рэспублікай Беларусь. Пасля таго як 1 снежня 2009 г. пачаў дзейнічаць Лісабонскі дагавор, Прадстаўніцтва цяпер мае афіцыйную назву “Прадстаўніцтва Еўрапейскага саюза ў Беларусі” (“Прадстаўніцтва ЕС ў Беларусі”). Гэта адно з больш як 130 Прадстаўніцтваў ЕС па ўсім свеце.
Прадстаўніцтва мае статус дыпламатычнай місіі і афіцыйна прадстаўляе Еўрапейскі саюз у Беларусі.
Мандат Прадстаўніцтва Еўрапейскага саюза ў Беларусі ўключае наступнае:
- распрацоўка і падтрымка добрых і эфектыўных кантактаў з дзяржаўнымі, рэгіянальнымі і мясцовымі органамі ўлады і адміністрацыямі, прадстаўнікамі бізнес-супольнасці, пасольствамі краінаў-удзельніц ЕС, пасольствамі трэціх краінаў, а таксама міжнароднымі і рэгіянальнымі арганізацыямі/інстытутамі;
- забеспячэнне шчыльнага дыялогу з органамі ўлады і іншымі зацікаўленымі асобамі (арганізацыямі грамадзянскай супольнасці, універсітэтамі, мясцовымі СМІ) па пытаннях эканамічнай, сацыяльнай палітыкі, палітыкі ў сферы кіравання, праў чалавека і іншай палітыкі;
- аб’яўленне і тлумачэнне пазіцыі Еўрапейскага саюза дзяржаўным органам улады і мясцовым прадстаўнікам краін-удзельніц;
- пашырэнне ведаў пра Еўрапейскі саюз, яго інстытуты і праграмы, якія пачалі дзейнічаць у Беларусі ў межах ІЕПД (Інструмента Еўрапейскай палітыкі добрасуседства);
- падтрымка падтрыхтоўкі і ўкаранення праграм тэхнічнай падтрымкі, фінансаваных ЕС.
Отзывы о компании
Здесь пока нет отзывов, но ваш может стать первым
Ваши отзывы помогают людям принимать взвешенные карьерные решения
Компания не разместила информацию об открытых вакансиях.